БЗД-ийн 22 дугаар хорооны "Алтан сан" хорооллын 1/2-1609 тоотын хөл хориог цуцалж, цагдаагийн хамгаалалтыг буулгажээ.

Тус тоотын иргэдээс 14 хоногийн хугацаанд дахин халдвар илрээгүй бөгөөд энэ хугацаанд ХӨСҮТ-өөс PCR шинжилгээг гурван удаа давтан авахад сэжигтэй тохиолдол илрээгүй аж. Тиймээс цагдаагийн хамгаалалтыг буулгаж, иргэдийг дүүрэг болон өрхийн эрүүл мэндийн төвийн гэрийг ажиглалтад шилжүүлжээ. Мөн тус тоотод батлагдсан удирдамжийн дагуу зохих ариутгал халдваргүйжүүлэлтийг хийж, оршин суугчдад Онцгой Комиссын мэдэгдлийг хүргүүлж ажилласан гэж Баянзүрх дүүргийн онцгой комиссоос мэдээллээ.