Архангай аймгийн Жаргалант суманд нэг иргэнээс түргэвчилсэн оношлуураар шиинжилгээ авахад вирусийн сул эерэг хариу гарсан тул шуурхай штабаас хариу арга хэмжээ авч, PCR-ийн шинжилгээнд хамруулахаар сорьцыг зөөвөрлөсөн талаар тус аймгийн онцгой комиссоос өчигдөр мэдээлсэн. Тэгвэл тус иргэний PCR  шинжилгээний хариу сөрөг гарсан талаар тус аймгийн онцгой комиссоос мэдээлэв.

Архангай аймагт коронавирусийн батлагдсан тохиолдол гурав байгаа бөгөөд арванхоёрдугаар сарын 1-нээс хойш нэмж тохиолдол бүртгэгдээгүй байгаа юм. Эдгээр гурван иргэний ойрын хавьтлын 74, хоёрдугаар хавьтлын 855 иргэнийг тусгаарлан, тодорхой давтамжтайгаар шинжилгээ авч байгаа аж. Батцэнгэл, Ихтамир, Өгий нуур суманд байгаа 885 иргэний давтан шинжилгээний хариу гараагүй байгаа. Иймд тус аймгийн Батцэнгэл суманд тогтоосон хөл хориионы дэглэмийг энэ сарын 21-ны 06:00 цаг хүртэл сунгаад байгаа билээ.