Булган аймгийн Эрүүл мэндийн газрын эмч Г.Вандандорж хэд хоногийн өмнө ажлаасаа гарах гээд гарч чадахгүй, удирдлагууд нь гэрээний нөхцөл заагаад гаргахгүй байна гэх мэдээллийг өгсөн.

          Тэгвэл түүний мэдээллийн дагуу Булган аймгийн Эрүүл мэндийн дарга П.Оюунцэцэг албан ёсоор мэдээлэл өглөө. Тэрбээр “Монгол Улсын эрүүл мэндийн салбар хүний нөөцийг бэлдэх зорилгоор хувиараа болон Төрийн сангаар эмч мэргэжилтнүүд мэргэжил дээшлүүлж, үндсэн мэргэжлээ эзэмшдэг. Манай аймгийн хувьд Эрүүл мэндийн хөгжлийн төвд жил бүр үндсэн мэргэжил эзэмших, мэргэжил дээшлүүлэх захиалгаа өгдөг. Үүний хүрээнд Төрийн сангийн гэрээгээр Эрүүл мэндийн хөгжлийн төв, Эрүүл мэндийн газар, суралцагч гэсэн дөрвөн хүний гарын үсгээр баталгаажсан гэрээг хийдэг. Г.Вандандорж эмчийн хувьд Гэмтэл согог судлалын эмчээр сургуулиа төгсөж ирээд, аймагтаа ажилласан.  Өмнө нь Булган аймагт Анагаахын шинжлэх ухааны үндэсний их сургуульд 2015 оноос эхлэн ажилласан. Үндсэн Булган аймагт найман жил ажиллаж байгаа мэргэжилтэн байгаа. Бид өчигдөр уулзаад гэрээний биелэлтийг хангаж, гэрээгээ эргэж харах, Эрүүл мэндийн хөгжлийн төвд гэрээг хэрхэн шийддэг талаар лавлагаа авахаар хоёр талд тохиролцож, өнөөдөр гэрээгээ бүрэн шилжүүлж өгөөд байна. Тэгэхээр гэрээний хамгийн сүүлчийн заалтаар ажил мэргэжлийг өөрчлөх боломжтой юм байна. Үүний дагуу гэрээгээ үзээд харилцан тохиролцож, ажлаас нь чөлөөлөөд Эрүүл мэндийн анги нэгдсэн эмнэлэгт ажиллуулахаар боллоо” гэв.