“Дэлхийн эмч нарын баяр”-ын өдрийг тохиолдуулан “ШИЛДЭГ ЭМЧ” шалгаруулах “Алтан чагнуур” ёслолын үйл ажиллагаа өчигдөр боллоо.

     Энэ үеэр ЗӨСҮТ-ийн тархвар судлаач эмч Ш.Агиймаа “Нийгмийн эрүүл мэнд судлал” салбараас шагнал хүртсэн юм. Тэрбээр “ЗӨСҮТ-д тархвар судлалын чиглэлээр 30 жил ажилласан хөдөлмөрийг минь үнэлж байгаад баяртай байна. Эрүүл мэндийн салбар гэдэг бол хүн ардынхаа эрүүл энхийн төлөө тангараг өргөсөн хариуцлагатай салбар. Энэ үүрэг, хариуцлагаа цар тахалтай сүүлийн хоёр жилийн хугацаанд илүү мэдэрлээ. Өнгөрсөн хоёр жил эмч, эмнэлгийн салбарынхан том сорилтын өмнө баг болж нэгдсэн цаг хугацаа байлаа. Үргэлж дэмжиж, туслаж, ойлгодог хамт олон болон мөр зэрэгцэн ажиллаж байгаа нийт эмнэлгийн салбарынхандаа баярын мэнд дэвшүүлье” гэв.