Монгол Улсад өнөөдрийн байдлаар коронавирусийн 313 тохиолдол бүртгэгдсэнээс 305 нь эдгэрээд байна. Эдгэрсэн хүмүүсийн 10 нь сувилалд, дөрвөн хүн гэрийн ажиглалтад байгаа бол 291 хүний тандалтын хугацаа дуусчээ.

Мөн Коронавирусээр халдварласан хоёр хүн эдгэрч сувиллын ажиглалтад шилжиж буйг Эрүүл мэндийн яам мэдээлэв. Эдгэрсэн хүмүүс 84 настай эмэгтэй, 21 настай эрэгтэй өнөөдөр ХӨСҮТ-өөс гарсан байна.

ХӨСҮТ-д коронавирусийн улмаас найман хүн эмчлүүлж байгаа бөгөөд тэдний зургаан нь биеийн байдал хөнгөн, хоёр нь хүндэвтэр байгаа аж.

ХӨСҮТ-ийн Вирус судлалын лаборатори, Дархан-Уул аймгийн вирус судлалын салбар лабораторид өчигдөр нийт 655 сорьцод шинжилгээ хийхэд коронавирус илрээгүй бөгөөд сүүлийн гурав хоногт нийт 1626 хүнд шинжилгээ хийхэд бүгд халдваргүй гарсан байна.