Азийн хөгжлийн банкны санхүүжилтээр Хавдар судлалын үндэсний төвийн Төвлөрсөн ариутгалын тасгийн барилгад их засвар хийж, шинэ тоног төхөөрөмж тоноглон өнөөдөр хүлээлгэн өглөө. Барилгын их засварыг 257 сая төгрөгөөр хийж, 14 нэр төрлийн 19 ширхэг тоног төхөөрөмжийг 844.5 сая төгрөгөөр шинэчилжээ. Тухайлбал, Агааржуулалтын систем бүхий дэд бүтэцтэй болгохын зэрэгцээ, багаж угаах, халдваргүйжүүлэх автомат төхөөрөмж, хэт авиагаар цэвэрлэгч төхөөрөмж, плазмын ариутгагч, ус цэвэршүүлэх систем зэрэг тоног төхөөрөмжөөр иж бүрэн шинэчлэлт хийжээ.