Тээврийн цагдаагийн албанд өнгөрсөн амралтын өдрүүдэд бүртгэгдсэн дуудлага, мэдээллийг тоймлон хүргэе.

Тээврийн цагдаагийн албаны Жижүүрийн шуурхай удирдлагын хэлтэст тавдугаар сарын 22-23-ны өдөр нийт 579 дуудлага мэдээлэл бүртгэгджээ. Үүнээс зам тээврийн ослын шинжтэй  399 дуудлага бүртгэгдсэн байна.

Зам тээврийн ослын улмаас нийслэлд зургаа, орон нутагт  хоёр хүн гэмтэж, орон нутагт таван хүний амь эрсэджээ.

Хүн гэмтсэн ослыг хэлбэрээр нь авч үзвэл:

 Нийслэлд:

• Явган зорчигч автомашинд мөргүүлэх хэлбэрээр дөрөв
• Автомашин мөргөлдөх хэлбэрээр жолооч нэг, зорчигч нэг тус тус гэмтсэн.

Орон нутагт:

• Мотоцикл онхолдох хэлбэрээр нэг жолооч
• Автомашин онхолдох хэлбэрээр нэг зорчигч гэмтсэн байна.

Хүний амь хохирсон осол:

• Хэнтий аймагт  А жолоочтой суудлын автомашин тавдугаар сарын 22-ны өдрийн 09:00 цагийн орчимд явган зорчигч мөргөж, амийг нь хохироосон.
• Баянхонгор аймагт Д жолоочтой бага оврын ачааны автомашин  тавдугаар сарын 22-ны өдрийн 10:00 цагийн орчимд бага насны хүүхэд мөргөж, хүүхдийн амь хохирсон.
• Төв аймагт тавдугаар сарын 22-ны өдрийн 12:00 цагийн орчим автомашин онхолдож, жолоочийн амь хохирсон.
• Орхон аймагт тавдугаар сарын 22-ны өдрийн 23:00 цагийн орчим суудлын автомашин онхолдож, зорчигчийн амь хохирсон.
• Хөвсгөл аймагт тавдугаар сарын 22-ны өдрийн 22:00 цагийн орчим мотоцикл онхолдож, жолоочийн амь хохирсон.

Алба хаагчдаас гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 264 зөрчил илрүүлж, учирч болох эрсдэлээс урьдчилан сэргийлжээ.

Жолооч та бүхэн согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх,  явган зорчигчид зам тавьж өгч байх,  явган зорчигч та бүхэн гарц, гарамтай хэсгээр зам гарах, бага насны хүүхдийг харгалзах хүнгүй замын хөдөлгөөнд оролцуулахгүй байх, мотоциклтой замын хөдөлгөөнд оролцохдоо хамгаалах малгай хэрэглэх, хурд хэтрүүлэх байхыг ЦАГДААГИЙН БАЙГУУЛЛАГААС АНХААРУУЛЖ БАЙНА.