Ойрын өдрүүдэд ихэнх нутгаар цас болон цасан шуурга шуурсны улмаас Хөвсгөл аймагт зудын гамшиг нүүрлээд буй. Үүнтэй холбоотойгоор Хөвсгөл аймгийн Засаг дарга Л.Ганболдоос цаг үеийн нөхцөл байдал болон хэрэгжүүлж байгаа арга хэмжээний талаар тодруулсан юм. Тэрбээр

“Аймгийн хэмжээнд бүх нутгаар гурван өдөр цас орлоо. 40-80 см цасны бүрхүүл үүссэн. Хатуу хучилттай зам дээр халтиргаа, гулгаа үүссэн учир аймгийн Онцгой комисс хуралдаж, замын нөхцөл байдал сайжиртал зорчигчдын хөдөлгөөнийг хязгаарласан. Малчдын нөхцөл байдал хүнд байна. Гурван өдөр малаа бэлчээрт гаргаж чадаагүй. Тухайн малчдад аймгийн нөөцөд байгаа өвс, тэжээл, УОК-ын нөөцийн газартай холбогдон өвс, тэжээл нэмэлтээр авч хувиарлаад байна. Аймгийн хэмжээнд энэ сум, тэр сум гэх зүйлгүй бүхэлдээ хүнд байна” гэлээ.