Улсын хэмжээнд 2021 оны эхний улиралд 17.6 мянган эх амаржсан нь өмнөх оны мөн үеийнхээс 911 буюу 4.9 хувиар буурсан байна гэж Үндэсний статистикийн хорооноос мэдээллээ.

 Улсын хэмжээнд 2021 оны гуравдугаар сард 6316 эх амаржиж, өмнөх сарынхаас 747 буюу 13.4 хувиар нэмэгджээ. Амаржсан эхчүүдийн 4782 буюу 75.7 хувь нь зургаа ба түүнээс дээш удаа хяналтад хамрагдаж, өмнөх сараас 530 буюу 12.5 хувиар нэмэгдсэн байна. Амаржсан эхчүүдийн 18 буюу 0.3 хувь нь гэртээ төрсөн бөгөөд өмнөх сарынхаас дөрөв буюу 18.2 хувиар буурсан байна.