Өнгөрсөн долоо хоногт нийслэлийн хэмжээнд  аврах ажиллагааны 3, гал түймрийн 42 дуудлага мэдээлэл бүртгэгдсэнийг НОБЕГ-с мэдээллээ. Алба хаагчид 4 иргэний аюулгүй байдлыг ханган, 1,9 тэрбум төгрөгийн өмч хөрөнгийг авран хамгаалсан байна. Гал түймэрт өртөж нэг иргэн нас барж, хоёр гэр, 16 өвөл, зуны сууц, хогийн цэг тав, автомашин хоёр, чингэлэг хоёр, орон сууцанд эд хогшил шатсан таван дуудлагаар алба хаагчид үүрэг гүйцэтгэн, унтраажээ.

     Гэр хорооллын айл өрхүүд пийшин, зуух, яндангийн галын аюулгүй байдлыг хангаж, угаарын хийн мэдрэгчийн хэвийн ажиллагааг шалган, цахилгааны хэт ачаалал үүсгэхгүй байхыг ОБЕГ-с зөвлөж байна.