Цаг үеийн асуудлаар МАН-ын дарга Д.Тогтохсүрэн сэтгүүлчдэд мэдээлэл өглөө. Тэрбээр “Чуулган сар гаруй хугацаанд хуралдана. Энэ хугацаанд УИХ-ын тухай хууль, Дэгийн тухай хууль, Хяналт шалгалтын тухай хуулийг батлах шаардлагатай байгаа. Мөн МАА салбартай холбоотой гурван хууль бий. Нэгдүгээрт, малчдын холбооны тухай хууль, хоёрдугаарт, уламжлалт мал аж ахуйн эрсдлийг бууруулах чиглэлийн тухай хууль, гуравдугаарт, гурил, тэжээлийг гаалиас чөлөөлөх, баялагийн сангийн хуулиудыг тавдугаар сарын 15-аас өмнө хэлэлцэж, батлах чиглэл тогтсон. Нэгдсэн чуулганы хуралдаанд гишүүдийн ирц сайн байдаг. Дөрөв дэх, тав дахь өдрийн чуулганд гишүүдийг байнга суу гэдэг чиглэл өгдөг. Тойрог томсохоор ажиллах хэрэгтэй байгаа юм. Тавдугаар сарын 15-аас өмнө гишүүд тойрогтоо ажиллах шаардлагатай байгаа. Байнгийн хорооны хурлын ирц тааруу байгаа. Хууль батална гэдэг бидний хамгийн том ажил. Дөрөвдүгээр сартдаа гурил, тарианы импортыг тэглэх асуудлыг шийднэ. Манайх намын дүрмийн дагуу зарим гишүүнээ түтгэлзүүлсэн. Яллагдагчаар татагдсан гишүүдийг түтгэлзүүлэх санал гаргадаг.