Эмийн үнийн өсөлтийн шалтгаан, нөхцөлийг хянан шалгах түр хорооны нотлох баримтыг шинжлэн судлах сонсгол үргэлжил байна. Өнөөдрийн сонсголоор эмийн хүртээмжийн асуудал, Монгол Улсын эм зүйн салбарын өнөөгийн нөхцөл байдал ба тулгамдаж буй асуудал, зайлшгүй шаардлагатай болон хөнгөлөлттэй эмийн зохицуулалт болон бусад асуудлаар сонсгол хийх юм. Энэ үеэр УИХ-ын гишүүн М.Оюунчимэг асуултад шинжээч хариуллаа.

       Тэрбээр “Эмийн сантай холбоотой тусгай зөвшөөрөл өгөх зохицуулалт дээр 5000 хүн тутамд нэг эмийн сан гэх зохицуулалт хасагдсан. Мөн эмийн сангийн тусгай зөвшөөрлүүдийн аймаг, нийслэлийн эрүүл мэндийн газрууд өгдөг болсон нь эмийн сангийн өсөлтөд нөлөөлсөн байж болзошгүй. Эдийн засагтай холбоотой тооцооллын нарийвчлан хийгээгүй байна” гэв.