АТГ-аас цаг үеийн асуудлаар мэдээлэл өглөө. Энэ үеэр АТГ-ын Хэвлэл мэдээлэл, олон нийттэй харилцах хэлтсийн ажилтан Н.Тэмүүлэн “Хотын дарга асан Д.Сумьяабазарыг яллагдагчаар татах санал прокурорт хүргүүлээгүй боловч мөрдөн шалгах ажиллагааг үргэлжилж байгаа. Ногоон автобусны хэрэгт 27 хүнийг яллагдагчаар татсан байгаа. Үүнд нийтийн албан тушаалтан 18, гадаадын дөрвөн иргэн, хуулийн дөрвөн этгээдийг шалгаж байгаа. Нүүрсний хулгайн хэргүүдийн 85 хувь нь шүүх рүү шилжсэн. Олон нийтэд ил болсон Т.Аюурсайхан, Б.Ганхуяг нарын хэрэг шүүх рүү шилжсэн. Өнөөдрийн байдлаар УИХ-ын гишүүн А.Адъяасүрэн, Д.Бат-Эрдэнэ нарын мөрдөн байцаалт дуусаж, хэргийн холбогдогч нарт хэргийн материалыг танилцуулж байгаа. УИХ-ын гишүүн Н.Наранбаатарыг шалгах ажиллагаа дуусаагүй байгаа. Ерөнхий сайд асан Ч.Сайханбилэг, Н.Удаанжаргал нарыг интерполоор эрэн сурвалжилж байгаа” гэв.