Хичээлийн шинэ жил эхлэхэд сарын хугацаа үлдээд байна. Сурагчдын сурах бичиг өнгөрсөн хавар хүрэлцээгүй болоод байсан. Тэгвэл бид  намрын бэлтгэл хангагдсан эсэх талаар Боловсролын Ерөнхий газрын дарга  Т.Ням-Очироос тодрууллаа.

             Тэрбээр “БШУЯ-наас сурах бичиг хэвлэх ерөнхий гэрээний үүргээ зөрчсөн компаниудтай хийсэн гэрээгээ цуцалсан. Ирэх наймдугаар сарын 7-нд шинээр хамтран ажиллах компаниа тодруулна. Тендерт хэдэн компани оролцох талаар дэлгэрэнгүй мэдээлэл өгөх боломжгүй байна. Мөн энэ жилээс эхлэн сурагчид сурах бичгээ худалдан авах эрхтэй болно. БШУЯ-наас түрээсийн сурах бичгийг бага ангийн сурагчдад бүрэн тараана. Харин дунд, ахлах ангийн сурагчдын 80 хүртэлх хувьд олгох төлөвлөгөөтэй байна.  Энэ төлөвлөгөөгөө есдүгээр сарын 15-ны өдөр гэхэд хэрэгжинэ” гэлээ.