“Хөгжлийн банк”-ны өнөөдрийн сонсголоор “Асем вилла” цогцолбор хотхоны асуудлыг хэлэлцэж байна. Үүнтэй холбогдуулан тухайн үеийн ЗГХЭГ-ын дарга асан С.Баярцогтыг гэрчээр оролцож байгаа юм. Тэрбээр “Б.Энхбаяр аа, та Хөгжлийн банк”-ны хуулийн талаар буруу ойлголттой байж болохгүй. “Хөгжлийн банк”ны хуулийн 8.1-т Хаврын чуулганаар төсөл, хөтөлбөрийг батална гэж заасан байдаг. Монгол Улсын Үндсэн хуульд өөрчлөлт оруулахад нийгэм, эдийн засгийн үндэслэлийг баталдаг байсан” гэв. Харин Хууль зүйн байнгын хорооны дарга Б.Энхбаяр  “Гэрч үнэн зөв мэдүүлэг өгөх үүрэгтэй. УИХ-аас “Асем вилла” хотхоныг санхүүжүүлэх ямар ч  шийдвэр гараагүй” гэв. Түүний хариултад С.Баярцогт “Та хуулиа эргэж харах хэрэгтэй. Би 2011 оны УИХ-ын тогтоолыг батлуулсан учир мэдэж байна. Зэс, цементийн үйлдвэр барь гэж заадаггүй юм. Асуудалд ажил хэрэгч хандах ёстой” гэсэн юм.