Бүх нийтийн бэлэн байдлын зэрэгт шилжиж, хөл хорионы хатуу дэглэмийн улмаас өвлийн идшээ бэлтгэсэн аймгийн төв, Улаанбаатар хотод хүргэж чадахгүй байгаа нутгийн иргэддээ дэмжлэг үзүүлэх зорилгоор "Хүнсний илгээмж" аяныг Говь-Алтай аймгаас санаачлан зохион байгуулах гэж байна. Тус аяныг өрнүүлснээр Улаанбаатар хот дахь иргэд, оюутнуудыг хоол хүнсээр хангах, Алтай хотын иргэдийн хүнсний нөөцийг бүрдүүлэх үр дүнтэй ажил болно гэж зохион байгуулагчид нь үзэж байгаа аж.

Сумаас аймаг, аймгаас Улаанбаатар хот орох зардлыг мах илгээж буй болон хүлээн авагч иргэн хариуцах гэнэ

Аян энэ сарын 20-30-ны өрнөх юм байна. Тус аймгийн сумдын удирдлагууд бэлтгэсэн махыг сумын төвд арваннэгдүгээр сарын 24-нд бэлэн байлгаж, 25-нд Алтай хотруу тухайн сум хариуцан тээвэрлэлтийг хийх аж. Сумаас аймаг, аймгаас Улаанбаатар хот орох зардлыг мах илгээж буй болон хүлээн авагч иргэн хариуцах гэнэ.