Өнөө өглөө Багануур дүүрэгт коронавирусийн халдварын сэжигтэй тохиолдол илэрсэн байж болзошгүй байна. Тодруулбал, албан бус эх сурвалжийн мэдээлснээр тус дүүрэгт эмийн сан ажиллуулдаг айлд Сэлэнгэ аймгийн иргэн очсон аж. Түргэвчилсэн оношлуураар тус иргэнээс шинжилгээ авахад эхнийх нь сөрөг гарч, хоёр дахь нь эерэг гарсан гэнэ. Улмаар өнөөдөр Улаанбаатар хотоос эмч нар очиж тухайн иргэнээс болон хоёр эмийн санчаас шинжилгээ авсан гэх мэдээлэл байна. Түүчлэн Багануурт дүүрэгт очсон тухайн иргэн төмөр замын ажилтан гэх мэдээлэл байгаа юм. Одоогоор Багануур дүүргийн хөл хориог эрс чангатгаж, гудамж, талбай, орон сууцны гадна талбайд цагдаагийн алба хаагчид гараад байгаа гэнэ.