Дархан-Уул аймгийн Онцгой комиссоос мэдээлэл хийлээ. Тус аймгийн хөл хорионы арга хэмжээг зохион байгуулах шуурхай ажлыг хэсгийг удирдаж буй Ж.Энхбаяр “Дархан хотод төмөр замын системийн спортын болон ур чадварын тэмцээнд 445 албан хаагч  оролцсон байна. Тэдгээрээс PCR оношлуураар шинжилгээ авахад өнөөдрийн байдлаар ХӨСҮТ-д халдвар авсан нь тогтоогдсон дөрвөн хүн эмчлүүлж байна. Дархан-Уул аймгийн нэгдсэн эмнэлэгт PCR оношлуураар шинжилгээ авахад дөрвөн хүнээс халдвар илэрч ХӨСҮТ рүү шилжиж байна. Одоо Дархан-Уул аймгийн төмөр замын 1088 ажилтныг шинжилгээнд хамруулж байна. Үүнээс 878 хүн шинжилгээнд хамрагдсан. Тэднээс дөрвөн хүний шинжилгээний хариу түргэвчилсэн оношлуураар эерэг гарсан. Ингээд Дархан-Уул аймагт 12 тохиодол бүртгэгдээд байна. Эдгээр хүмүүсийн 10 нь төмөр замтай холбоотой учир төмөр замын бүчлэлд тархсан гэдэг нь тодорхой. Одоо төмөр замчдын ар гэрийнхэн болон хавьтлуудаас шинжилгээ авах ажлыг хийж байна” гэв.