Хэнтий аймаг руу хууль бусаар зорчсон гурван иргэнээс түргэвчилсэн оношлуураар шинжилгээ авахад хоёрынх нь хариу эерэг гарсан билээ. Тус иргэдийн PCR шинжилгээний сорьцыг өнгөрсөн шөнийн 01:20 цагт ХӨСҮТ-д хүргэж, шалгуулснаар сөрөг гарсан талаар Хэнтий аймгийн ЗДТГ-аас мэдээллээд байна. Мөн ойрын хавьтагчдаас нь авсан түргэвчилсэн оношлуурын хариу сөрөг гарчээ. Хууль бусаар зорчсон иргэд болон тэдний ойрын хавьтагчдыг тусгаарлалтанд авсан. АОК-ын хуралдаанаар өнөөдрийн 06:00 цагаас эхлэн ирэх сарын 1-ний өдрийн 06:00 цаг хүртэл бүх нийтийн бэлэн байдлын хугацааг сунгаж, олон нийтийн үйлчилгээний байгууллагуудын үйл ажиллагааг тухайн хугацаагаар хориглоод байна.