Эрүүл мэндийн яамнаас цаг үеийн асуудлаар мэдээлэл хийлээ. Хэнтий аймагт коронавирусийн сэжигтэй тохиолдол илэрсэнтэй холбоотой мэдээллийг ХӨСҮТ-ийн Тандалт судалгааны хэлтсийн дарга А.Амбасэлмаа өглөө. Тэрбээр “Хэнтий аймагт коронавирусийн халдвар илэрсэн гэж худал мэдээлэл гарч эхэллээ. Улсын хэмжээнд коронавиурсийн халдварыг тандах зорилгоор түргэвчилсэн оншлуураар шинжилгээ хийж байгаа. Хэнтий аймагт хийсэн тандалтаар гурван сорьцонд урьдчилсан байдлаар тест эерэг гарсан. Гэхдээ PCR-аар шинжилж байж вирус авсан эсэх нь тогтоогдоно. Харъяаллын дагуу Дорнод аймгийн лабораторит шинжилгээг хийж байгаа. Хэнтий аймгийн иргэний шинжилгээний хариу одоогоор гараагүй байна” гэлээ.