Гурилан бүтээгдэхүүний үнэ нэмэгдсэн талаар Монголын гурилан бүтээгдэхүүн үйлдвэрлэгчдийн холбооноос мэдээлэл хийлээ.

    Тус холбооноос “Монгол Улсын хэмжээнд гурилан бүтээгдэхүүний салбарын хувьд өнөөдрийн байдлаар 900 орчим гурилын үйлдвэр үйл ажиллагаа явуулж, нийт 30 орчим мянган ажилтан, албан хаагч ажиллаж байгаа. Үндсэндээ ар гэрийнхнийг нь аваад үзбэл, 100 орчим мянган хүний амьдралд шууд нөлөөлнө. Үйлдвэрлэгчдийн хувьд хүн амын өдөр тутмын хүнсний хэрэгцээг хангааг зогсохгүй, жилийн 365 өдөр, шөнөгүй үйл ажиллагаа явуулж, хүн амаа аюулгүй, эрүүл хүнсээр хангадаг онцгой салбар. Гэтэл сүүлийн гурван жилийн хугацаанд их хүндрэлтэй нөхцөл үүссэн. Үнийн өсөлт нэмэгдэж байна.

Үнэ өсөөд байгаа гол шалтгаан гэвэл, нэгдүгээрт, хил гаалийн ойлгомжгүй байдал, тээврийн үнийн нэмэгдэл, хоёрдугаарт сав, баглаа боодлын хувьд асуудалтай болсон. Дараагийн асуудал бол шатахууны үнийн асуудал байна. Гол төлөв түүхий эд болох гурил байна” гэв.