Хүйтний улирал эхэлсэнтэй холбоотойгоор дулаан гэрт байх нь хамгийн чухал. Тийм ч учраас одоо байгаагаасаа илүү дулаан орчинд, тав тухтай байхыг эрмэлзэж байгаа бол танд дараах арга замыг хүргэж байна.   

1. Паарныхаа цаана дулаан ойлгогч тавих

        Гялгар ойлгогч нь гэрт дулааныг түгээнэ. Ийм ойлгогч шууд хэрэглэхэд бэлдсэн  байгаа эсвэл гар аргаар ч хийж болно. Гар аргаар хийхийн тулд танд мөнгөлөг цаас болон полирекс төрлийн материал хэрэгтэй. Ингээд паарныхаа ард тавихад гэрийн дулаан гурав дахин нэмэгдэнэ.

2. Цонхны наалт

      Хуванцар цонхонд наадаг дулаан хадгалах наалт байдаг аж. Энэ нь маш хэрэгтэй зүйл. Дулаан алдалтыг зогсоогоод барахгүй цонхонд цан цохихоос хамгаална. Тэр ч бүү хэл гэрийг хортой хэт ягаан туяанаас хамгаалдаг.

3. Тагтыг дулаал

        Хэрвээ танай орон сууц тагттай бол бас тагтандаа хаалт хийлгээгүй байгаа бол ихээр дулаан алддаг байна. Дулаанаа алдахгүйн тулд тагтанд хаалт хийлгэж, тагтыг мөн дотроос нь нэн даруй дулаалах хэрэгтэй. Ингэснээр та гэрээ дулаан байлгаад зогсохгүй дуу чимээг ч багасгаж чадна.

4. Гадна дулаалга

       Гадна дулаалгыг нэг удаа хийлгэсэн байхад олон жилийн турш дулааныг мэдрэх болно. Зөвхөн гадна ханыг бус хэрвээ дээд давхар бол дээврээ ч гэсэн дулаалах шаардлагатай. Бас орцны үүдний хаалгыг ч дулаалах нь чухал. Үр дүн нь таны хүлээлтээс давах болно. 

5. Дулааны тоолуур

      Уг төхөөрөмж тийм ч их үнэтэй биш байдаг байна. Энэ тоолуурыг суурилуулаагүй бол та цонх, хаалгаа хичнээн дулаалаад ямар ч нэмэргүй. Нэмэлт дулаалга таныг тухтай өвөлжүүлнэ, гэхдээ хэмнэлт гаргаж чадахгүй. Тиймээс дулаан тохируулагчтай тоолуур нь хэмнэлттэй байхаас гадна дулааныг тань зохицуулна.