Эм ханган нийлүүлэх төв, эмийн сангуудад ШӨХТГ-аас цар тахлын онцгой нөхцөл байдлын үед амны хаалт, ариутгалын бодисыг худалдаалан борлуулахдаа амны хаалт, ариутгалын бодисын үнийн түвшинг тогтвортой байлгаж, хомсдол үүсгэхгүй байх албан шаардлага хүргүүлж буй. Тэгвэл эмийн сангууд 10:00 цагийн байдлаар амны хаалтны үнээ 100 төгрөгөөр нэмж, 500-гаар худалдаалдаг байсан бол 600 төгрөг болгожээ.

Эм ханган нийлүүлэх төв, эмийн сан зэрэг аж ахуйн нэгж байгууллагууд ШӨХТГ-аас өгсөн шаардлагыг биелүүлээгүй тохиолдолд Зөрчлийн тухай хуулийн 10.7 зүйлийн 4.7 дахь хэсэгт заасны дагуу иргэнийг 2000 нэгж, хуулийн этгээдийг 20 мянган нэгжтэй тэнцэх хэмжээний төгрөгөөр торгоно.