"Петровис" группийн үүсгэн байгуулагч, Төлөөлөн удирдах зөвлөлийн дарга Ж.Оюунгэрэл хүнд өвчний улмаас өчигдөр таалал төгсчээ. Тэрээр Герман Улсад хэвтэн эмчлүүлж байсан аж.

Ж.Оюунгэрэл нь ОХУ-д нефтийн инженер-эдийн засагч мэргэжлээр суралцаж төгсөн 1979 оноос мэргэжлээрээ улсын байгууллагуудад ажиллаж байгаад,1990-1992 онд Нефть импорт хангамжийн нэгтгэлийн ерөнхий захирал, 1992-1996 онд НИК ХХК-д ерөнхий захирлын албыг хашиж, 1997 онд “Петровис” группийг үүсгэн байгуулжээ.

Тэрээр байгальд ээлтэй “ЭКО” ШТС, олон улсын стандартад нийцсэн бүрэн автомат “Шинэ Толгойт” агуулах, олон улсын стандартын санхүү бүртгэлийн “Майкрософт Навишн” систем, нийгмийн хариуцлагын тулгын гурван чулуу гэгддэг Чанар, Байгаль орчин, Хөдөлмөрийн эрүүл мэнд, аюулгүй байдлын олон улсын ISO стандартуудыг цогцоор нь үйл ажиллагаандаа нэвтрүүлсэн анхны компани болгосон. Олон улсад өргөн хэрэглэгддэг орчин үеийн дэвшилтэт бүтээгдэхүүн Евро-5 шатахууныг нэвтрүүлсэн зэрэг амжилтыг бүтээжээ.

Талийгаачийн гэр бүл, үр хүүхэд, төрөл төрөгсөд, группийн хамт олонд нь гүн эмгэнэл илэрхийлье.