Зам тээвэр, хөгжлийн дэд сайд Ж.Бат-Эрдэнээр ахлуулсан Ажлын хэсэг Дархан-Улаанбаатар чиглэлийн автозамын засварын явцтай танилцсан байдаг. Энэ үеэр томилолтын багийн зардал нэг өдрийнх нь 7.5 сая төгрөг байсан гэх мэдээлэл цацагдсан байдаг билээ. Тодруулбал, цахим сүлжээнд "Дэд сайдаар ахлуулсан томилолтын багийнхан нэг өдөрт 7.5 сая төгрөг үрсэн гэв үү. Томилолт нэрээр улсын төсвийг үргүй зарцуулж, мөнгө завшдаг бүлэглэлийг шалгана уу" гэх зэргээр бичиж байгаа юм. 

Тэгвэл энэ талаар Зам, тээврийн хөгжлийн дэд сайд Ж.Бат-Эрдэнээс өөрөөс нь тодрууллаа.

     Тэрбээр “Нэг өдрийн томилолт 7.5 сая төгрөг байх боломжгүй гэдгийг бүгд мэдэж байгаа шүү дээ. Тийм хууль, журам ч байхгүй. Бид Сангийн яамнаас тогтоосон журмын дагуу томилолт авдаг. Хуулийн дагуу л албан ажлаа хийж байна” гэсэн юм.