Шударга өрсөлдөөн, хэрэглэгчийн төлөө газрын дарга С. Мөнхчулуун Монголбанкны Ерөнхийлөгч Б.Лхагвасүрэнтэй ажил хэргийн уулзалт хийлээ.
Уулзалтад Монголбанк /Монгол Улсын Төв банк/ болон ШӨХТГ-ын албаны төлөөлөл оролцлоо.Уулзалтаар арилжааны банкуудын зарим нэг шимтгэл, хураамж хэрэглэгчийг хохироож байгаа эсэх болон ШӨХТГ-т иргэдээс ирж буй банк санхүүгийн байгууллагатай холбоотой гомдол саналын талаар ярилцав.

   Цаашид хоёр тал банк санхүүгийн салбарт хэрэглэгчдийн эрх ашгийг хамгаалах тал дээр илүү нягт хамтын ажиллагаатай байж банкны салбартай холбоотой иргэдээс ирсэн гомдол, санал хүсэлтийг түргэн шуурхай шийдвэрлэж байхаар тохиролцлоо.