Уих-ын чуулганы нэгдсэн хуралдаан үргэлжилж байна. Энэ үеэр УИХ-ын гишүүн Х.Ганхуяг “УИХ-д нэн яаралтай өргөн мэдүүлэхээр өгсөн Банкны тухай хуульд нэмэлт өөрчлөлт оруулах тухай хуульд дагаж мөрдөх журмын тухай нэмэлт өөрчлөлт оруулах хуулийн төслийн анхны хэлэлцүүлгийг эцэслэн шийдвэрлэсэн. Төслийн эцэслэн шийдвэрлүүлэхээр Эдийн засгийн байнгын хороонд шилжүүлсэн. Тус байнгын хороо тавдугаар сарын 31-ны хуралдаанаар хуулийн төслийн эцсийн хэлэлцүүлэгт бэлтгэсэн тухай асуудалд хэлэлцүүлж чуулганы анхны хэлэлцүүлгээр санал хураасан. Банкны тухай хуульд нэмэлт өөрчлөлт оруулах тухай хуулийн дагаж мөрдөх журмын тухай хуульд өөрчлөлт оруулах тухай хуулийн төслийн эцсийн хэлэлцүүлэгт бэлтгэсэн талаарх Эдийн засгийн байнгын хорооны танилцуулгыг хэлэлцэн шийдвэрлэж хуулийн төсөл баталж өгөхийг хүсэж байна” гэв. 

      Харин УИХ-ын гишүүн Д.Ганбат “Банкны тухай хуульд өөрчлөлт оруулж байна. Үүнийг дагаад асуудлууд гарч ирж байгаа. Ард иргэд сүүлийн жилүүдэд бага ч гэсэн мөнгө хуримтлуулсан байна. Ашигтай, боломжтой хувьцаанд хөрөнгөө оруулах сонирхолтой байсан. Банкны хүү ахихаа байсан. Мөнгөний ханш унаж байгаа ч хадгаламжийн хүү өсөхгүй байгаа. Энэ мэт асуудлыг бодохгүйгээр хуулиа хойшлуулчихлаа. Банк найдваргүй байвал хүмүүс яаж мөнгөө хадгалуулах юм бэ. Энэ бүхнийг тодорхой болгох хэрэгтэй. Хуульд өөрчлөлт оруулахад хэдхэн хоног дутуу байхад өөрчилчихөөр хуулийг хэн биелүүлж, итгэх юм бэ “гэв.