Хан-Уул дүүргийн 16-р хороо Буянт Ухаа I хорооллын ард байрлах шинээр баригдаж буй орон сууцны барилгад өнөөдөр гал гарсан байна. Тодруулбал, Барилгын гадна хөөцөн пасад шатаж байна гэсэн дуудлага 07.50 цагт НОБГ-т иржээ. Дуудлагын дагуу гал түймэр унтраах аврах 30-р ангийн ээлжийн бүрэлдэхүүн галын тархалтыг зогсоож 08.40 цагт унтраасан байна.

Галын үеэр хүн бэртэж, гэмтээгүй бөгөөд Нийслэлийн онцгой байдлын газраас галын шалтгааныг тогтоохоор ажиллаж байгааг мэдээллээ.