Нийслэлийн Баянзүрх дүүргийн 16 дугаар хороонд  "Sky vip construction" ХХК-ийн барилга  2020 оны сүүлчээр ашиглалтад орохоор  захиалга авсан барилгын ажил удааширч, одоо  хүртэл ашиглалтад ороогүй байна. Үүний улмаас 368 өрх түрээсийн байранд амьдарч, санхүүгээр хохирч байгаа талаар тус өрхийн иргэд өнөөдөр мэдээлэл хийлээ.

   Энэ талаар тэд “Гурван блок байрны А блок нь оны өмнө ашиглалтад орсон. B, C блок  нь баригдаж дуусаагүй байна.  Биднийг барилгын үйл явцтай танилцъя гэхээр дотогш оруулдаггүй.  Анх 2020 оны есдүгээр сард ашиглалтад орно гэж гэрээ хийгээд,  төлбөрөө 100 хувь авсан. Гэтэл одоо “Хил хаалттай, бараагаа татаж аваагүй” гэсэн хариуг өгч байна. Уг нь  хүмүүс барилга барьж байгаа харагддаг ч, үр дүн гарахгүй байсаар хоёр жил болчихлоо” гэв.