Монгол банкны удирдлагууд мэдээлэл хийлээ.

     Энэ үеэр тус банкны Мөнгөний бодлогын газрын захирал Б.Баярдаваа “Дэлхий нийтэд коронавирусийн анхны тохиолдол 2019 оны төгсгөлд бүртгэгдсэн. Үүний хойноос Монгол Улсад удаан хугацаанд коронавирусийн халдвар нэвтрүүлэхгүй байх, дотоод халдвар тархахгүй байх байдлаар үйл ажиллагаагаа зохион байгуулж ирсэн. Гэсэн ч халдвар дотооддоо тархсан. Хамгийн эхнийх нь дэлхий нийтээрээ зорчигч худалдааны хүрээнд хилийн харьцангуй дэглэмийг баримтлах үйл ажиллагаа хийгдсэн. Ингэхдээ эхний хагасад Монгол Улсын гадаад харилцаан дээр нэлээд томоохон нөлөөллүүд орж ирж байсан бол 2020 оны наймдугаар сард ногоон гарц арга хэмжээг зохион байгуулж байсан. Энэ нь нүүрсний экспортын бусад гол нэрийн бараа бүтээгдэхүүний экспортыг сэргэхэд гол дэмжлэг болсон. Гэсэн ч 2021 оны гуравдугаар сараас БНХАУ хилийн худалдааны чанга дэглэмийг авч хэрэгжүүлсэн. Энэ нь 2020 оны сүүлийн хагасаас сэргэж, 2021 оны хоёрдугаар улирлаас хойш өнөөдрийг хүртэл жилийн хугацаанд экспорт доголдсон, тасалдсан. БНХАУ-ын хөл хорионы дэглэмийн дунд явж байна. Гэсэн ч энэ хүнд хугацаанд эдийн засаг тодорхой хэмжээнд коронавирусийн эсрэг авч хэрэгжүүлж байгаа арга хэмжээний үр нөлөө зарим салбаруудад гарч эхэлсэн байна. Хүлээлтийн нөхцөл байдал нь өөрөө санхүүгийн нөхцөл байдлыг санхүүгийн үйлчилгээ үзүүлэх баг санхүүгийн байгууллагыг болгоомжилсон төлөв байдал руу хүргэж байгаа нь уг нөхцөл байдлыг үүсгэсэн. Энэ нь хөдөлмөрийн зах зээлд үүсэж байгаа нөхцөл байдал, үнэ ханшийн байдал, экспортын төлөв байдал байна" гэв.