Хэнтий аймгийн Батноров сумын долдугаар багийн “Бэрх” тосгонд Жонш олборлох уурхайд нурал болж нэг хүн шороонд дарагдсан тухай дуудлагыг өнгөрөгч хоёрдугаар сарын 22-ны өдрийн 00:28 цагт хүлээн авчээ. Дуудлагын дагуу тус аймгийн Онцгой байдлын газрын Батноров сум дахь Гал түймэр унтраах, аврах 42 дугаар анги, Эрэн хайх, Аврах салбарын алба хаагчид очиход “Баялаг Бэрх” нөхөрлөлийн жоншны уурхайн ажилтан тус сумын харьяат 53 настай эрэгтэй М бэхэлгээ хийж байгаад шороонд даруулж нас барсан тул цогцсыг гаргаж Цагдаагийн байгууллагад шилжүүлэн байсан.