30 дахь удаагийн Ой тогтоолтын дэлхийн аварга шалгаруулах тэмцээнд Монгол Улсын шигшээ баг амжилттай оролцлоо. Нийт 18 улсын шилдэг 366 тамирчин ой тогтоолтын спортын 10 төрлөөр өрсөлдсөн байна. Монгол Улсаа төлөөлөн Монголын оюун ухааны академийн 10-24 насны 17 тамирчин, олон улсын шүүгч, дасгалжуулагч Б.Баасандорж,  Ө.Сэнгэсамдан гэсэн бүрэлдэхүүнтэй оролцжээ. Тухайлбал, Монгол Улсын шигшээ багын таван тамирчин олон улсын мастерын цолны болзол хангаж, олон улсын их мастер "2017 оны дэлхийн аварга, Гиннесийн рекорд эзэмшигч" Н.Мөнхшүр дэлхийн хошой аваргын болзол хангаад буй. Мөн 30 дахь удаагийн Ой тогтоолтын дэлхийн аварга шалгаруулах тэмцээнд 21,435 оноогоор манай улсын шигшээ баг тэргүүлжээ.