Нийслэлийн төвийн зургаан дүүрэгт байрладаг 17 хүнсний зах, худалдааны төвд хийсэн 36 нэр төрлийн хүнсний бараа бүтээгдэхүүний үнийг өмнөх долоо хоногтой харьцуулахад  8 нэрийн барааны үнэ тогтвортой, 12 нэрийн барааны үнэ буурсан, 16 нэрийн барааны үнэ өсчээ.Тухайлбал, Алтан тариа задгай, дээд 1.556, алтан тариа савласан, дээд 1.521,сүү хк 1л 2.813, тараг, цөцгийтэй 2.629, цагаан будаа 3.662, зууван чех 1.668, цөцгийн тос 3.918, ургамалын тос 3.677, гүрж ногоон цай 1.583, фүжи алим 4.944 төгрөг болж нэмэгдсэн байна.

Харин хонины ястай мах өмнөх долоо хоногтой харьцуулахад 3.44 хувиар буюу 311 төгрөгөөр буурсан, хонины цул мах дунджаар 9,200 төгрөг байна. Үхрийн ястай мах өмнөх долоо хоногтой харьцуулахад 4.48 хувиар буюу 500 төгрөгөөр буурсан, үхрийн цул мах өмнөх долоо хоногтой харьцуулахад 2.18 хувиар буюу 278 төгрөгөөр буурсан байна. Харин адууны ястай мах өмнөх долоо хоногтой харьцуулахад 1.44 хувиар буюу 125 төгрөгөөр буурсан, ямааны ястай мах мөн 1.35 хувиар буюу 100 төгрөгөөр буурсан байна.