“Буянт-Ухаа” олон улсын нисэх буудалд өнөөдөр 14.00 цагт Сиатл-Улаанбаатар чиглэлийн тусгай үүргийн онгоц газардлаа. Тус онгоцоор 248 иргэн эх орондоо ирж байгаа бөгөөд эрүүл мэндийн шалтгаантай 12, өндөр настан 38, бага насны хүүхэдтэй гэр бүлийн 50, жирэмсэн хоёр, бусад хүндэтгэх шалтгаантай 135 иргэн иржээ.

Иргэдийг “Корпорэйт” зочид буудал, “Наранбулаг” амралтын газарт тусгаарлах хуваарьтай байсан ч дулааны шугамын засварын ажлын улмаас “Эрхэс”, “Тэмүжин”, “Майсон” зочид буудал, “Синдүра мед” эмнэлэг, “Налгар” амралтын газарт тусгаарлах аж.