Булган аймгийн Дашинчилэн сумын Доргонот багийн Их-Агт гэх газар туул голд Улаанбаатар хотын харьяат 39 настай, эрэгтэй  живжээ.  Тус аймгийн Онцгой байдлын газрын Эрэн хайх, аврах салбар, Орхон аймгийн Онцгой байдлын газар, Үндэсний аврах бригад, тус аймаг дахь Цагдаагийн газрын алба хаагчид наймдугаар сарын 3-ны байдлаар дөрвөн бүлэгт хуваагдан тус иргэнийг эрэн хайх үйл ажиллагааг зохион байгуулсан боловч үр дүнд хүрээгүй тул мөн өдрийн 21:40 цагт түр зогсоосон. Тэгвэл өнөөдөр буюу наймдугаар сарын 4-ний өдрийн 06:00 цагт эрэн хайх ажиллагааг дахин эхлүүллээ.

Иймд иргэд та бүхэн голын эрэг дагуу амарч зугаалахдаа анхаарал болгоожтой байж, согтууруулах ундаа хэрэглэсэн үедээ гол ус руу орохгүй байхыг холбогдох байгууллагаас анхааруулж байна.

М.ХОНГОРЗУЛ