ЗУНЫ АДАГ ХӨХӨГЧИН ХОНЬ САРЫН НАЙМАН ЦАГААН ХӨХ БИЧ ӨДӨР

Үс засуулвал: Жаргал үргэлжид ирнэ

Наран ургах, шингэх: 05.33-20.24

Барилдлага: Үл зохилдох   

Шүтэн барилдлага:Авахуй   

Суудал: Гал

        Аргын тооллын наймдугаар сарын дөрвөн, Буд гараг. Билгийн тооллын 26, Гөрөөсөн толгой одтой, хөх бич өдөр. Өдрийн наран 5:33 минутад мандан, 20:24 минутад жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.

      Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба сан тавиулах, угаал үйлдэх, бүжиг наадам хийх, цэцэрлэг байгуулах, урлан бүтээхэд сайн. Хувцас эсгэх, шинэ хувцас өмсөх, зөвлөгөө хийх, сэтгэлд сэвтэй газар очиход муу. Өдрийн сайн цаг нь хулгана, үхэр, луу, могой, хонь, нохой болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн.