Баяр, наадмын амралтын өдрүүд болох гэж байгаатай холбогдуулан үер, усны ослоос урьдчилан сэргийлэх мэдээ, мэдээлэл, сэрэмжлүүлэг хүргэх зорилгоор Онцгой байдлын ерөнхий газар, Цагдаагийн ерөнхий газар, Цаг уур, орчны шинжилгээний газар хамтран хэвлэлийн хурал хийж байна.

              Тус хурлын үеэр Онцгой байдлын ерөнхий газрын мэргэжилтэн "Сүүлийн 10 жилд 2091 хүн гамшиг, аюулт үзэгдэл, ослын улмаас амиа алджээ. Тэдний 57.3 хувь нь буюу 1122 хүн үер усны ослын улмаас амиа алджээ. Тодруулбал үерийн улмаас 52, усны ослын улмаас 1070 хүн нас барсан байна. Түүнчлэн усны ослын 77 хувийг аялал зугаалгаар амарч явахдаа амь насаа алдсан тохиолдол эзэлж байна. Сүүлийн дөрвөн жилийн наадмаар 47 хүн усанд осолдож, амиа алдсан. Үүнд эрэгтэй 77, эмэгтэй 22 хүн байна. Зөвхөн энэ онд 37 хүн үер усны осолдож, амиа алдсан бөгөөд үүний найм нь хүүхэд байна" гэлээ.