Ховд аймагт өнгөрсөн хоногт  383 сорьцод шинжилгээ хийхэд 13 хүнээс коронавирус илэрчээ. Тодруулбал, Бүсийн оношилгоо эмчилгээний төвийн Вируслогийн салбар лаборатори 127 сорьцод, ЗӨСТ-ийн явуулын баг 256 сорьцод PCR шинжилгээ тус тус хийсэн байна. Шинжилгээгээр коронавируст халдварын батлагдсан тохиолдол 13-аар нэмэгдэж нийт 334 боллоо. Шинээр батлагдсан тохиолдлыг задалбал, Улаанбаатар хотоос тус аймагт очсон 12 иргэн, “Тусгаарлах эмнэлэг”-т хэвтэн эмчлүүлж буй иргэний ойрын хавьтал тусгаарлан ажиглах байр “Бооржи зочид буудал”-д байсан нэг иргэнээс халдвар илэрсэн байна.

Бүсийн оношилгоо эмчилгээний төвөөс өгсөн мэдээллээр Халдвартын тасгийн “Тусгаарлах эмнэлэг”-т өнөөдрийн байдлаар 62 хүн хэвтэн эмчлүүлж байна. Тэдгээрээс биеийн байдал хүнд нэг, хүндэвтэр гурав, бусад нь хөнгөн байна. Өчигдөр найман хүн эдгэрч эмнэлгээс гарсан ба нийт эдгэрэлт 267 боллоо.

Харин тус аймгийн хэмжээнд ойрын хавьтлал 302, тусгаарлан ажиглах байранд 200, гэрийн тусгаарлалтад 151, гэрийн ажиглалтад 815 иргэн байна.