Жүжигчин, найруулагч Б.Амарсайханы төрсөн өдөр тохиож байна.

       Түүнийг бид "Уулын хөх сүүдэр", "Тавилан", "Удирдагч", "Бөртэ чоно", "Боолын гэрээ", "Цасан охин", "Бодлын хулгайч", "Аравт", "Үргээлэг", "Итгэл", Хохирогч", "Эргэж ирэхгүй намар", "Монгол" зэрэг бүтээлийн жүжигчин, найруулагчаар ажилласнаар нь мэдэх билээ. 

         Түүний бага нас Төмөр замд өнгөрсөн бөгөөд аав, ээж нь эдийн засагч мэргэжилтэй болгоно гэж байсан ч Соёл Урлагийн Их Сургуульд нууцаар шалгалт өгснөөр тэнцсэн гэдэг. Тэрбээр "Оюутан байхад багш С.Сугар багш "Амарсайхаан, чи битгий сайн тоглоё гэж бод. Үнэн амьдар, үнэн тогло, үнэн бай" гэж хэлсэн. Энэ үг бараг жүжигчин бүрт хамаатай байх. Би үнэн амьдарч байж, би үнэн уйлж, үнэн харж байж үзэгчид бидэнд итгэнэ. Би амьдрал дээр ч гэсэн өөрөөрөө, худал хуурмагагүй, үнэн байж чадаж байвал миний амьдрал утга учиртай байна гэсэн үг юм даа" гэж ярьсан байдаг.