Монгол Улсын Хөдөлмөрийн баатар, Ардын уран зохиолч Б.Лхагвасүрэнгийн "Тамгагүй төр" жүжгийг найруулагч Б.Баатарын шинэчилсэн найруулгаар "Монгол хаан" нэртэйгээр тоглосон билээ.

         Тус жүжиг нь Монголдоо 151 удаа тоглож, 75 мянга орчим нь үзэгчдэд хүрсэн бол өнгөрсөн оны арваннэг, арванхоёрдугаар сард 2500 суудал буюу Лондонгийн Колизум театрт 15 өдөрт 17 удаа тоглон 40 мянган гаруй үзэгчдэд толилуулсан байна. Тэгвэл аравдугаар сарын 17-нд Сингапур Улсаас аялан тоглолтоо эхлүүлэхээр болсон байна. Тасалбар нь энэ оны дөрөвдүгээр сарын 25-наас эхлэн худалдаанд гарах аж. Цаашлаад Ази, Европ, Арабын орнуудад мөн аялан тоглолт хийхээр жүжгийн продюсерийн баг ажиллаж байгаа юм байна.