Дүрслэх урлагийн академи, Монголын уран зургийн галерей хамтран зохион байгуулж буй ОХУ-ын Дүрслэх урлагийн академийн ерөнхийлөгч, зураач З.К.Церетелийн “Далд шидэт реализм” үзэсгэлэн өнөөдөр Монголын уран зургийн галерейд нээлтээ хийлээ.

   Энэхүү үзэсгэлэнгээр дамжуулан дэлхийн энх тайван, найрамдлыг аугаа урлагаар нэгтгэн гоо сайхан,өнгө зохицлын эрч хүч, хүн төрөлхтний агуу суу билгийг харуулсан бүтээлүүдийг Монгол түмний мэлмийд хүргэхээр зорьжээ. “Далд шидэт реализм” үзэсгэлэн энэ сарын 19-өөс  тавдугаар сарын 02-ны өдрийг дуустал дэлгэгдэх аж.