Монгол Улсын Засгийн газрын 2008 оны тогтоолоор батлагдсан “Шилдэг уран бүтээлч шалгаруулах журам” - ын хүрээнд жил бүр зохион байгуулагддаг “Мөнгөн мод” наадмыг энэ жил 13 дахь удаагаа зохион байгуулах гэж байгаа.

Соёлын яамны соёлын бүтээлч үйлдвэрлэлийн 12 салбарын хүрээнд нийт 24 төрөлд шилдэг бүтээл, шилдэг уран бүтээлчийн материалыг 2022 оны нэгдүгээр сарын 03-наас 18-ны өдрийг хүртэлх хугацаанд цахим хэлбэрээр хүлээн авч бүртгэл хаагдсан. 13 дахь удаагийн “Мөнгөн мод” наадмын 24 төрөлд 300 гаруй бүтээл, уран бүтээлч өрсөлдөхөөр бүртгүүлжээ..

Гэвч шилдэг уран бүтээл, уран бүтээлчид “Мөнгөн мод” цом гардуулах ёслолын арга хэмжээг 2022 оны нэгдүгээр сарын 23-ны өдөр буюу өнөөдөр ДБЭТ-т зохион байгуулахаар төлөвлөж байсан ч цар тахлын тархалтын нөхцөл байдалтай холбоотойгоор нэг сарын хугацаагаар хойшлуулах шийдвэр гаргасан байна.