Монголын поп дива нарын нэг МУСТА С.Наранд Монгол Улсын Гавьяат Жүжигчин цол олгохоор болжээ. "Аавдаа үнсүүлэхийн жаргал", "Дэндүү сайхан залуу нас", "Welcome to my hеart", "Нутгаа санахуй", "Сэтгэлийн хүч" зэрэг олон арван уран бүтээлийг үзэгчдэд хүргэж, хүчирхэг хоолой, өвөрмөц стил имижээрээ содон сонирхолтой уран бүтээлч.

 Багаасаа дуулж эхэлсэн тэрбээр жүжигчний мэргэжлээр суралцсанаар урлагийн зам руу орж, уран бүтээлийн гараагаа эхэлсэн түүхтэй. Амьдралынхаа 30 гаруй жилийг урлагт зориулсан тэрбээр ийнхүү төрдөө үнсүүлж, төрийн дээд одонгоор шагнагдахаар болжээ.