Аваргуудын лигийн шөвгийн 16-гийн хариу тоглолтууд өнгөрсөн шөнө эхэлж, хоёр тоглолт болж өнгөрлөө. Хариу тоглолтын хүрээнд “Ювентус” болон “Порту”, “Боруссияа Дортмунд” болон “Сэвильяа” клубын хариу тоглолт өрнөж,  Португалийн “Порту” болон Германы “Боруссияа Дортмунд” клубууд шөвгийн наймт шалгарах эрхээ авсан юм. Шөвгийн 16-гийн эхний тоглолтуудад,

-Италийн “Ювентус” клуб болон Португалийн “Порту” клуб нарын Аллианз, Эстадио До Драгао цэнгэлдэхүүдэд тоглосон хоёр тоглолтын нийлбэр дүн 4-4 харьцаатайгаар тэнцсэн. Гэвч талбайн эзэн багийн хаалганд илүү гоол оруулсан гэх дүрмээр Португалийн “Порту” клубд ялалт шилжсэн юм.

-Германы “Боруссияа Дортмунд” болон Испанийн “Севильяа” клубууд тоглосон. Хоёр багийн хоорон дахь хоёр тоглолтын нийлбэр 5-4 харьцаатайгаар Германы “Боруссияа Дортмунд” клуб дараагийн шатны эрхээ авлаа.

Харин өнөөдөр Аваргуудын лигийн хүрээнд Английн “Ливерпүүль” болон Германы “Лэйпциг”, Францын “ПСЖ” болон Испанийн “Барселона” клубуудын хариу тоглолт болно.

О.БАТ-ЭРДЭНЭ