“Милан-Кортина”-2026 өвлийн олимпын наадмын гүйлтийн цанын спринт төрлийн уралдаанууд Италийн Тесеро хотноо өчигдөр болж шилдгүүд тодруулав. Эмэгтэйчүүдийн гүйлтийн цанын спринт 1.5 км-ийн төрөлд медаль хүртсэн тамирчдад ОУОХ-ны гишүүн, МҮОХ-ны ерөнхийлөгч Б.Баттүшиг шагнал гардуулав.

      Мөн өчигдөр Монгол Улсын шигшээ баг тамирчдаас Б.Ачбадрах, Э.Ариунтангалаг нар энэ төрөлд амжилттай өрсөлдөж хоёул байр ахиулж барианд орсон юм. Өвлийн гурав дахь олимпдоо оролцож буй Б.Ачбадрах 95 тамирчнаас 81-р байрт, анх удаа олимпын замд гарсан Э.Ариунтунгалаг 89 тамирчнаас 68-р байрт тус тус шалгарсан билээ. Манай тамирчдыг энэ сарын 12-13-ны өдрүүдэд сүүлийн уралдаанууд хүлээж байна.