Жанжин Д.Сүхбаатарын мэндэлсэний 133 жилийн ой, “Монголын үнэн” сонины нэрэмжит "Д.Сүхбаатарын мэргэн бууч" буудлага спортын тэмцээн хоёрдугаар сарын 2-7-ны өдрүүдэд болж өндөрлөнө. Тус 59 дэх удаагийн тэмцээнд Булган, Сэлэнгэ, Өвөрхангай болон Улаанбаатар хотын 200 орчим тамирчин 11 дасгалд цэц сорьж байна.

    Өчигдөр хийн урт бууны 10 м-ийн дасгалын эмэгтэйчүүдийн тэмцээн боллоо. Тус дасгалын финалд “Алдар” спорт хорооны тамирчин, ОУХМ, О.Янжиндулам 248.5 оноогоор алтан медаль хүртэв. Мөнгөн медалийг “Хүч” спорт хорооны тамирчин, ОУХМ Г.Нандинзаяа 226.3 оноогоор, хүрэл медалийг “Снайпер” клубийн Т.Золжаргал 226.5 оноогоор хүртлээ. Харин өнөөдөр хоёрдугаар сарын 6-ны өдөр "Д.Сүхбаатарын мэргэн бууч" тэмцээн холимог багийн төрлөөр тэмцээн үргэлжлэн явагдана.