Үндэсний их баяр наадмын зохион байгуулагч хорооноос Н.Өсөхбаярын улсын гардь цолыг хураах саналыг Монгол Улсын Ерөнхийлөгч У.Хүрэлсүхэд хүргүүлсэн байна. Түүний допингийн шинжилгээнд хориотой бодис илэрсэн учраас цолыг нь хураах асуудал хөндөгдөөд байгаа билээ.

     Н.Өсөхбаярын барилдах эрхийг дөрвөн жилээр хасаж улмаар Н.Өсөхбаярт зургаагийн даваанд өвдөг шороодсон улсын заан М.Лхагвагэрэлд “Үнэн зоригт” долоогийн даваанд өвдөг шороодсон улсын заан Б.Пүрэвсайханд “Хуурнин шуугигч”, наймын даваанд өвдөг шороодсон дархан аварга Н.Батсуурьд “Тод сонин” чимгийг нөхөн олгохоор боллоо.