Соёл, спорт, аялал жуулчлал, залуучуудын яамны сайд Ч.Ундрам Төв аймгийн Биеийн тамир, спортын газар, спортын ордон, стадион зэрэг байгууллагуудаар зочилж, үйл ажиллагаатай нь газар дээр нь очиж танилцлаа.

   Танилцах үеэр биеийн тамир, спортын байгууллагуудын үйл ажиллагааны өнөөгийн байдал, тамирчдын бэлтгэл сургуулилалт, спортын дэд бүтцийн ашиглалт, тулгамдаж буй асуудал, цаашдын хөгжлийн чиглэлийн талаар санал солилцов.

   Цаашид иргэд, хүүхэд залуучуудын спортын оролцоог нэмэгдүүлэх, спортын байгууламжийн ашиглалтыг сайжруулах, тамирчдыг дэмжих бодлого, хөтөлбөрийг үр дүнтэй хэрэгжүүлэхэд анхаарч хамтран ажиллах шаардлагатай байгааг онцоллоо.