“Рио-2016” олимпын аварга, Япон Улсын жүдочин Машүү Бейкер Увс аймгийн жүдогоор хичээллэж буй хүүхэд, багачуудад зориулсан сургалт, дадлагад оролцохоор Монгол Улсад хүрэлцэн ирлээ.  Тус сургалт семинар долоо хоног үргэлжлэнэ.

   Тэрбээр Монгол Улсын дархан аварга, жүдо бөхийн ОУХМ, МУГТ Н.Батсуурийн урилгаар иржээ.  Монголын жүдо бөхийн холбоотой хамтран сургалтын үеэр олимп, дэлхийн дэвжээнээс хуримтлуулсан үнэтэй туршлага, техник, барилдааны ухаанаасаа хуваалцан, ирээдүйн шилдэг тамирчдыг бэлтгэхэд хувь нэмрээ оруулах юм.

    Энэхүү сургалт нь орон нутгийн жүдоч хүүхэд, залуусын ур чадварыг ахиулах, олон улсын жишигт ойртуулан хөгжүүлэхэд чухал ач холбогдолтой үйл явдал болж байна.