Холбоодын нэгдсэн УАШТ-ий хөтөлбөрт хоёр дахь удаагаа багтсан буудлагын УАШТ-ий эрэгтэй хийн урт бууны медальтнууд тодорлоо. Энэхүү дасгалд 19 тамирчин өрсөлдсөнөөс ОУХМ Б.Эрхэмбаяр урьдчилсан шатанд 632.7 оноо авч, улсын рекордыг шинэчилсэн. Харин финалын буудлагад ОУХМ, “Парис-2024” олимпод оролцогч Н.Баяраа түрүүлж, өнгөрсөн жилийн амжилтаа давтлаа.

     Б.Эрхэмбаяр түүнээс хоёр оноо хоцрон мөнгөн медаль дээр буув. Тэрбээр ноднингийн УАШТ-ээс хүрэл медаль авсан амжилтаа ийн ахиулав. Өнгөрсөн жилийн дэд аварга, спортын мастер Э.Сайнхүү хүрэл медаль хүртсэн юм.

Эрэгтэй хийн урт бууны дүн:

1.Н.Баяраа алтан медаль “Алдар” спорт хороо 250.4 оноогоор.

2.Б.Эрхэмбаяр мөнгөн медаль. “Хилчин” спорт хороо 248.4 оноогоор.

3.Э.Сайнхүү хүрэл медаль Өвөрхангай аймаг  220.9 оноогоор.